వీలు కుదిరితే ఈ ప‌ని చేసి చూడండి..!
ప్ర‌తీ రోజూ దేవ‌తారాధ‌న మంచిది అని చెప్పుకొన్నాం క‌దా.. కొన్ని సార్లు ఇది అమ‌లు చేసుకోలేని ప‌రిస్థితి. అటువంటప్పుడు వారంలో ఒక రోజైన కాస్సేపు పూజ కు కేటాయిద్దాం. ఇవాళ ఆదివారం నాడు కాస్తంత పూజాదికాలు చేసుకొన్న వారికి అభినంద‌న‌లు. పూజ త‌ర్వాత మ‌న ఆలోచ‌న‌లు, అభిప్రాయాలు చ‌క్క‌గా ఉంటాయి. కుటుంబ స‌భ్యుల‌తో అనుబంధాలు కూడా బాగా వ‌ర్థిల్లుతాయి. అటువంట‌ప్పుడు ఈ బంధాల్ని వృద్ధి చేసుకొనేందుకు ప్ర‌య‌త్నిస్తే మంచిది. ఒక వేళ ఈ ఆదివారాన్ని ఉప‌యోగించుకోలేక పోయారా... ఏమీ ప‌ర్వాలేదు. రేప‌టి రోజు ఉండ‌నే ఉంది.

 సోమ‌వారం, అందునా శ్రావ‌ణ సోమ‌వారం. ప‌ర‌మేశ్వ‌రునికి ఎంతో ఇష్ట‌మైన రోజు. దీన్ని స‌ద్వినియోగం చేసుకొందాం.. ఉద‌యం ఆరు గం. నుంచి 7గం. దాకా చంద్ర హోర ఉంటుంది. వీలైతే ఈ స‌మ‌యంలో పర‌మేశ్వ‌రుడ్ని ఆరాధించేందుకు ప్ర‌య‌త్నించండి. క‌నీసం **ఓం న‌మ‌శ్శివాయ‌** అనే మంత్రాన్ని ప‌ఠించేందుకు ప్ర‌య‌త్నించండి. ఎన్ని సార్లు వీలైతే అన్ని సార్లు జ‌పించండి. మంచి ఫ‌లితాన్ని ఆస్వాదించండి.
అంతే కాదండోయ్‌.. ప్ర‌తీ మాసంలోనూ చివ‌రి రోజున అమావాస్య వ‌స్తుంది. దీని ముందు రోజు చ‌తుర్ద‌శి ఉంటుంది. దీన్ని మామూలు తిథిగా భావిస్తాం. కానీ, దీన్ని మాస శివ‌రాత్రి అని అంటారు. ప‌ర‌మేశ్వ‌రుడికి ఎంతో ఇష్ట‌మైన రోజు ఇది. ఈ మాస శివ‌రాత్రి రోజున వీలైతే శివాల‌యానికి వెళ్లిరండి. ఒక మంచి ప‌ని చేసిన వార‌వుతారు. లేదంటే ఇంటి ద‌గ్గ‌రే కాస్సేపు ప‌ర‌మేశ్వ‌రుడ్ని ధ్యానించండి...