గ్రహణం అంటే ఖగోళ శాస్త్రం ప్రకారం సౌర కుటుంబంలో సూర్యుడు, చంద్రుడు ఒకే రేఖలోకి వచ్చినప్పుడు ఆ బింబం వెనుకగా మరొకటి ఉండటం అంటారు. సూర్యుడి వెనక్కి దాగి ఉండిపోతే దాన్ని సూర్య గ్రహణం అని, చంద్రుడు వెనక్కి ఉండిపోతే చంద్ర గ్రహణం అని చెబుతారు. ఈ గ్రహణం సమయంలో వాతావరణంలో పెక్కు మార్పులు చోటు చేసుకొనే అవకాశం ఉంటుంది. అంటే అప్పటిదాకా ఉండే వాతావరణ పరిస్థితులు ఒక్క సారిగా మారిపోతాయి. అత్యంత ప్రభావం చూపే సూర్యుడు కానీ, చంద్రుడు కానీ కొద్ది సేపు పక్కకు తప్పుకొంటే జరిగే పరిణామం ఇది. ఈ సమయంలో ఆరోగ్య పరంగా జాగ్రత్తగా ఉండాలని చెబుతారు. దీన్ని మాత్రం భారతీయ సంప్రదాయ వాదులు ప్రభావవంతమైన సమయంగా భావిస్తారు. అందుకే గ్రహణం ప్రారంభం కావటానికి ముందే స్నానం చేసి ఇష్టమైన దైవాన్ని పూజించాలని చెబుతారు. గ్రహణ సమయంలో ఇష్ట దేవతల పారాయణం, మంత్ర జపం మంచిది. వీటి వల్ల చక్కటి ఫలితాన్ని పొందవచ్చు. కొంతమంది గ్రహణ సమయంలో ఉపవాసం చేస్తారు. గ్రహణం తర్వాత విడుపు స్నానం చేస్తారు. గ్రహణ సమయంలో ఆహార పదార్థాల్లో దర్భ ను వేసే సాంప్రదాయం మనకు అందరకు తెలిసినదే. గ్రహణాన్ని శాస్త్రీయంగా, ఆధ్యాత్మిక పరంగా అర్థం చేసుకోదగినది.